Улсын бүртгэлийн ерөнхий газрын Төрийн албаны салбар зөвлөлөөс төрийн албаны хүний нөөцийн бодлогыг хэрэгжүүлэх, байгууллагын үйл ажиллагааны тасралтгүй, хэвийн байдлыг хангах хүрээнд сул орон тоог нөхөх тусгай шалгалтыг зохион байгуулж байна.
Тус шалгалтаар аймаг, дүүргийн Улсын бүртгэлийн хэлтсийн улсын бүртгэгчийн нийт 13 сул орон тоог нөхөх бөгөөд шалгалтад 39 албан хаагч оролцож ур чадвар, хууль эрх зүйн мэдлэг, мэргэжлийн ёс зүй, асуудал шийдвэрлэх чадвараараа өрсөлдөж байна.
Шалгалтыг Төрийн албаны тухай хууль болон холбогдох журам, зохицуулалтын хүрээнд ил тод, нээлттэй зарчмаар зохион байгуулж байгаа бөгөөд улсын бүртгэгч нь иргэн, хуулийн этгээдэд төрийн үйлчилгээг шуурхай, үнэн зөв хүргэхэд чухал үүрэгтэй тул сонгон шалгаруулалтаар мэргэжлийн ур чадвартай, ёс зүйтэй төрийн албан хаагчдыг томилон ажиллуулахад онцгой анхаарч байна.
