Монгол Улсын Ерөнхийлөгчийн зарлиг, Засгийн газрын тогтоолоор батлагдсан “Тэрбум мод” үндэсний хөдөлгөөний хүрээнд байгаль орчныг хамгаалах, ногоон байгууламжийг нэмэгдүүлэх, доройтсон газрыг нөхөн сэргээх зорилгоор Хууль зүй, дотоод хэргийн яам болон түүний харьяа агентлаг, байгууллагуудын албан хаагчид 2026 оны 10 дугаар сарын 17-ны өдөр намрын мод тарих аянд нэгдлээ.
Аяны хүрээнд тус яамны харьяа 11 агентлаг, байгууллагын 300 гаруй албан хаагч Улаанбаатар хотын Түргэний аманд байрлах цэцэрлэгт хүрээлэнд 2300 ширхэг улиас, хайлаас, монос мод тарьж, байгаль орчныг хамгаалах, ногоон орчныг бүрдүүлэх үйлсэд хувь нэмрээ орууллаа.
Улсын бүртгэлийн ерөнхий газрын албан хаагчид ч энэхүү үйл ажиллагаанд идэвхтэй оролцож, байгаль дэлхийгээ хайрлан хамгаалах, ирээдүй хойч үедээ эрүүл, аюулгүй орчин үлдээхэд чиглэсэн үндэсний хөдөлгөөнийг дэмжин ажиллалаа.
