Хуулийн этгээдийн улсын бүртгэгчдийг чадавхжуулах сургалт, хэлэлцүүлэг зохион байгууллаа
Танилцуулга
БНМАУ-ын Сайд нарын Зөвлөлийн 1940 оны 11 дүгээр сарын 23-ны өдрийн 44 дүгээр тогтоолоор “Иргэний паспортын дүрэм”-ийг баталж, Улсын цагдан сэргийлэх газрын харьяанд “Паспортын хэлтэс”-ийг байгуулсан нь өнөөгийн “Улсын бүртгэлийн байгууллага”-ын суурь тавигдсан түүхтэй.
БНМАУ-ын Сайд нарын зөвлөлийн 1968 оны 300 дугаар тогтоолоор “БНМАУ-ын улс, хоршооллын үйлдвэр, аж ахуйн байгууллагыг улсын бүртгэлд бүртгэх дүрэм”-ийг анх баталж, улмаар Монгол Улсын Сангийн сайдын 1996-оны 389 дүгээр тушаалаар Улсын татварын ерөнхий газрын харьяанд “Улсын бүртгэлийн алба”-ыг байгуулсан.
Монгол Улсын Их Хурлаас 1997 онд Үл хөдлөх хөрөнгийн бүртгэлийн тухай хуулийг баталж, Засгийн газрын 1997 оны 42 дугаар тогтоолоор “Засгийн газрын хэрэгжүүлэгч агентлаг - Үл хөдлөх эд хөрөнгийн бүртгэлийн газар”-ыг байгуулсан.
Монгол Улсын Их Хурлын 2008 оны “Төрийн захиргааны байгууллагын тогтолцоо, бүтцийн ерөнхий бүдүүвчийг батлах тухай” 43 дугаар тогтоол, Засгийн газрын 2008 оны 12 дугаар сарын 24-ний өдрийн “Засгийн газрын тохируулагч, хэрэгжүүлэгч агентлаг байгуулах тухай” 64 дүгээр тогтоолоор Тэргүүн шадар сайдын эрхлэх асуудлын хүрээнд Иргэний бүртгэл, мэдээллийн улсын төв, Үндэсний татварын ерөнхий газрын харьяа Улсын бүртгэлийн алба, Үл хөдлөх эд хөрөнгийн бүртгэлийн газрыг нэгтгэн “Улсын бүртгэлийн ерөнхий газар”-ыг байгуулсан.
Монгол Улсын Их Хурлын 2009 оны 06 дугаар сарын 25-ны өдрийн чуулганаар Улсын бүртгэлийн ерөнхий хууль батлагдаж, “Төрийн мэдээлэл” сэтгүүлийн 2009 оны 07 дугаар сарын 16-ны өдрийн № 26/599/ дугаарт нийтлэгдсэн.
Монгол Улсын Засгийн газрын 2009 оны 173 дугаар тогтоолоор “Улсын бүртгэлийн ерөнхий газрын дүрэм”-ийг баталсан.
Монгол Улсын Төрийн албаны зөвлөлийн 2009 оны 142 дугаар тогтоолоор Улсын бүртгэлийн ерөнхий газрын дэргэдэх “Төрийн албаны салбар зөвлөл” байгуулагдсан.
Монгол Улсын Засгийн газрын 2009 оны 235 дугаар тогтоолоор “Улсын бүртгэлийн ажилтны өдөр”-ийг 11 дүгээр сарын 23-ны өдөр байхаар тогтоов.
Улсын бүртгэлийн ерөнхий газар нь орон нутаг дахь газар, хэлтэс, тасаг, улсын бүртгэлийн ажилтан, хилийн чанадад ажиллаж байгаа Монгол Улсын Дипломат төлөөлөгчийн газраар дамжуулан Улсын бүртгэлийн ерөнхий хуульд заасан иргэн, хуулийн этгээд, эд хөрөнгийн улсын бүртгэлийн төрлөөр, цаг хугацаа орон зайг үл хамааран төрийн үйлчилгээг шуурхай хүргэн ажиллаж байна.
