Улсын бүртгэлийн ерөнхий газрын Төрийн албаны салбар зөвлөлөөс төрийн албаны хүний нөөцийн бодлогыг хэрэгжүүлэх, байгууллагын үйл ажиллагааны тасралтгүй, хэвийн байдлыг хангах хүрээнд сул орон тоог нөхөх тусгай шалгалтыг өнөөдөр (2026.10.05) зохион байгуулж байна.
Энэ удаагийн шалгалтаар аймаг, дүүргийн улсын бүртгэлийн хэлтсийн гүйцэтгэх 16 албан тушаалын сул орон тоог нөхөх бөгөөд сонгон шалгаруулалтад нийт 24 иргэн оролцож байна.
Тусгай шалгалтыг холбогдох хууль, журмын дагуу зохион байгуулж, оролцогчдын мэдлэг, ур чадвар, чадамжийг тест болон ярилцлагын үе шаттайгаар үнэлж, шалгаруулна.
Сонгон шалгаруулалтын дүнг үндэслэн тухайн албан тушаалд тавигдах шаардлагыг хангасан иргэдээс сонгон шалгаруулж, сул орон тоог нөхөх юм.
