Хуулийн этгээдийн эцсийн өмчлөгчийн ойлголт, олон улсын чиг хандлагыг таниулах сургалт зохион байгууллаа

  1. 2026-04-08
  2. Цаг үе, үйл явдал, Мэдээ,
  3. 125 уншсан
A- A A+
Хуулийн этгээдийн эцсийн өмчлөгчийн ойлголт, олон улсын чиг хандлагыг таниулах сургалт зохион байгууллаа

Хуулийн этгээдийн эцсийн өмчлөгчийн ойлголт, олон улсын чиг хандлагыг таниулах, мөн байгууллагыг шүүх болон хууль хяналтын байгууллагад итгэмжлэлээр төлөөлөхтэй холбоотой асуудлаар Хуулийн этгээдийн улсын бүртгэгч нарт мэргэжил, арга зүйн дэмжлэг үзүүлэх зорилгоор өнөөдөр сургалт зохион байгууллаа.

Сургалтын хүрээнд дараах сэдвүүдээр илтгэл хэлэлцүүллээ. Үүнд:

“НҮБ-ийн Аюулгүй зөвлөлийн хориг арга хэмжээ” сэдвээр Монголбанкны Мөнгө угаах, терроризмыг санхүүжүүлэхтэй тэмцэх асуудал хариуцсан референт Б.Гантуяа
“Хуулийн этгээдийн эцсийн өмчлөгчийн ойлголт, олон улсын чиг хандлага, эрх зүйн зохицуулалт” сэдвээр Монголбанкны Санхүүгийн мэдээллийн албаны ахлах шинжээч Г.Буян-Өлзий
“Албан тушаалтны эс үйлдэхүй, ашиг сонирхлын зөрчил үүсгэх нь” сэдвээр Монголын хуульчдын холбооны сургалтын хорооны дарга, УЕПГ-ын дэргэдэх Сургалт, судалгааны хүрээлэнгийн Сургалтын албаны дарга, доктор, дэд профессор Б.Өнөрмаа нар тус тус мэдээлэл өглөө. 

Тус сургалтад Хуулийн этгээдийн улсын бүртгэлийн газрын болон дүүргийн Улсын бүртгэлийн хэлтсийн Хуулийн этгээдийн улсын бүртгэлийн тасгийн улсын бүртгэгч нар хамрагдаж салбарын тулгамдсан асуудал, олон улсын туршлага, эрх зүйн зохицуулалтын талаар мэдлэг, ойлголтоо нэмэгдүүлэв.

Энэхүү сургалт нь улсын бүртгэгчдийн мэргэжлийн ур чадварыг бэхжүүлэх, хууль тогтоомжийн хэрэгжилтийг сайжруулах, байгууллагын ил тод, хариуцлагатай байдлыг дээшлүүлэхэд чухал ач холбогдолтой боллоо.