Хэнтий аймгийн Улсын бүртгэлийн хэлтэс тус аймаг дахь Шүүхийн шийдвэр гүйцэтгэх 419 дүгээр нээлттэй хорих ангитай хамтран Улсын бүртгэлийн үйлчилгээний талаар мэдээлэл өгч, явуулын үйлчилгээ үзүүлжээ.
Арга хэмжээний хүрээнд улсын бүртгэлийн үйлчилгээний ач холбогдол, иргэний баримт бичгийн бүрдүүлэлт, шинэчлэлтэй холбоотой мэдээллийг хүргэж, зөвлөгөө өгсөн байна.
Мөн зөөврийн төхөөрөмж ашиглан биеийн давхцахгүй өгөгдлийн бүртгэлд 5 хүнийг хамруулж, иргэний үнэмлэхээ хаяж үрэгдүүлсэн 4 иргэнд дахин олголтын үйлчилгээг шуурхай үзүүллээ. Энэхүү үйл ажиллагаа нь иргэдийн эрхийг хангах, төрийн үйлчилгээг тэгш хүртээмжтэй хүргэхэд чухал ач холбогдолтой ажил боллоо.
.jpg)
