Хууль зүй, дотоод хэргийн яамны дэргэдэх Хөгжлийн бэрхшээлтэй хүний эрхийг хангах дэд зөвлөлөөс Хөгжлийн бэрхшээлтэй хүний хөгжлийн ерөнхий газар болон төрийн бус байгууллагуудтай хамтран хөгжлийн бэрхшээлтэй иргэдийн хөдөлмөр эрхлэлтийг дэмжих өдөрлөг, үзэсгэлэн худалдааг Дотоод хэргийн их сургуульд 2026 оны 4 дүгээр сарын 3-ны өдөр зохион байгууллаа.
Өдөрлөгийн үеэр Улсын бүртгэлийн байгууллагаас явуулын үйлчилгээ үзүүллээ. Нийт 40 иргэн хамрагдсан бөгөөд үүнээс зөвлөгөө мэдээлэл 30 иргэнд өгч, иргэний үнэмлэх шинээр авах 1, гээж, үрэгдүүлсний улмаас дахин авах 4, гадаад паспорт 5 иргэн захиалжээ.
Тус үзэсгэлэн худалдаанд 20 гаруй төрийн бус байгууллага болон хөгжлийн бэрхшээлтэй иргэд оролцож, өөрсдийн үйлдвэрлэсэн бараа бүтээгдэхүүнийг танилцууллаа. Мөн Хууль зүй, дотоод хэргийн яам болон түүний харьяа агентлаг, байгууллагуудын албан хаагчид худалдан авалт хийж, үйл ажиллагааг дэмжин оролцов.
