Байгууллагын үйл ажиллагаанд хүний хувийн мэдээллийн аюулгүй байдлыг хангах, хууль тогтоомжийн хэрэгжилтийг сайжруулах зорилтын хүрээнд Дархан-Уул аймаг дахь Хүний эрхийн үндэсний комиссын референт Э.Болортуяаг урьж “Төрийн байгууллага хүний хувийн мэдээллийг хамгаалахад анхаарах асуудлууд болон хүний хувийн мэдээлэл цуглуулах, боловсруулах, ашиглах” сэдэвт сургалтыг амжилттай зохион байгууллаа.
Сургалтын гол агуулга:
▪️ Хүний хувийн мэдээллийн ойлголт, ангилал, онцлог
▪️ Мэдээлэл цуглуулах, боловсруулах, ашиглах үе шатуудад мөрдөх хууль, журам
▪️ Төрийн албан хаагчдын хүлээх үүрэг, хариуцлага
▪️ Мэдээллийн аюулгүй байдлыг хангах практик арга хэмжээ
▪️ Алдаа, зөрчлөөс урьдчилан сэргийлэх зөвлөмж, кейс жишээ
Сургалтын үеэр бодит кейс дээр суурилсан хэлэлцүүлэг өрнүүлж, өдөр тутмын үйл ажиллагаанд хэрэгжүүлэх боломжит шийдлүүдийг тодорхойлсон нь өндөр үр дүнтэй боллоо.
