Улсын бүртгэлийн ерөнхий газраас зохион байгуулсан “Удирдах ажилтны нэгдсэн зөвлөгөөн” 2026 оны 03 дугаар сарын 12, 13-ны өдрүүдэд Улаанбаатар хотод амжилттай болж, 2026 оныг “Боловсрол, бүтээмжийг дээшлүүлэх жил” болгон зарласан билээ.
Энэхүү бодлого, чиглэлийг хэрэгжүүлэх хүрээнд Дорноговь аймгийн Улсын бүртгэлийн хэлтэс 2026 оны 03 дугаар сарын 19, 20-ны өдрүүдэд нийт албан хаагчдын дунд “Нэгдсэн сургалт, зөвлөгөөн”-ийг зохион байгууллаа.
Зөвлөгөөний үеэр Улсын бүртгэлийн байгууллагын хэмжээнд хэрэгжүүлэх Засгийн газрын бодлого, цаашдын чиг хандлага, дэвшилтэт технологи, цахим шилжилт, хиймэл оюун ухааны хэрэглээ, ач холбогдол зэрэг сэдвүүдийг таван чиглэлд хураангуйлан танилцуулж, хэлтсийн дарга С.Энх-Эрдэнэ нийт албан хаагчдад мэдээлэл өглөө.
Мөн Монголын эмэгтэйчүүдийн холбоо-ны Удирдах зөвлөлийн гишүүн, Дорноговь аймгийн Эмэгтэйчүүдийн зөвлөлийн тэргүүн Б.Сэмжидтуяа урилгаар оролцож, “Өөрөөс эхлэх манлайлал” сэдвээр илтгэл тавьж, албан хаагчдад үнэтэй зөвлөгөө, урам зориг өгсөн юм.
Энэхүү нэгдсэн уулзалт, зөвлөгөөн нь албан хаагчдын мэдлэг, ур чадварыг дээшлүүлэх, байгууллагын үйл ажиллагааны уялдаа холбоог сайжруулах, шинэ технологийг үйл ажиллагаандаа нэвтрүүлэхэд чухал түлхэц болсон ач холбогдолтой арга хэмжээ боллоо.
