Өмнөговь аймагт гадаад паспорт болон иргэний үнэмлэхийн зураг авах үйлчилгээ эрхэлдэг иргэд, аж ахуйн нэгжүүдэд зориулсан сургалтыг зохион байгууллаа. Тус сургалтаар гадаад паспорт болон иргэний үнэмлэхийн зургийг цахимаар илгээхэд анхаарах шаардлага, нийтлэг гардаг алдаа, тэдгээрээс хэрхэн сэргийлэх арга зам, мөн зургийг стандартын дагуу зөв илгээх аргачлалын талаар дэлгэрэнгүй мэдээлэл өгсөн юм.
Мөн үйлчилгээ эрхлэгчдийн өдөр тутмын үйл ажиллагаанд тулгардаг асуудлыг хэлэлцэж, шийдвэрлэх гарц, зөвлөмжийг хүргэснээр үйлчилгээний чанар, шуурхай байдлыг сайжруулахад чухал ач холбогдолтой арга хэмжээ боллоо.
