Монгол Улсын Гамшгаас хамгаалах тухай хууль, Галын аюулгүй байдлын тухай хууль болон бусад холбогдох хууль тогтоомж, дүрэм, стандартуудыг сурталчлах, гамшиг, осол, гал түймрийн аюулаас урьдчилан сэргийлэх, ажилтан албан хаагчдын мэдлэг ойлголтыг нэмэгдүүлэх зорилгоор Сүхбаатар дүүргийн Онцгой байдлын хэлтэстэй хамтран сургалт зохион байгууллаа.
Сургалтыг тус хэлтсийн Гамшгаас хамгаалах сургалт хариуцсан ахлах мэргэжилтэн, ахмад Д.Ариунзаяа удирдан явуулж, “Гал түймрийн аюулаас урьдчилан сэргийлэх, эрсдэлийг бууруулах, бэлэн байдлаа хангах арга хэмжээ” сэдвээр мэдээлэл өгч, дадлага сургуулилтыг зохион байгуулав.
