Дорнод аймгийн удирдах ажилтны шуурхай хуралдаанд улсын бүртгэлийн үйлчилгээний талаарх мэдээллийг Улсын бүртгэлийн хэлтсийн дарга Д.Оюунбаяр танилцууллаа.
Тэрбээр иргэдэд улсын бүртгэлийн үйлчилгээг өөрийн биеэр ирж авахын зэрэгцээ цахимаар болон зөөврийн хэлбэрээр авах боломжийг бүрдүүлэн ажиллаж байгааг онцолсон юм. Энэ нь иргэдэд цаг хугацаа, зардал хэмнэсэн, хүртээмжтэй үйлчилгээ үзүүлэхэд чухал ач холбогдолтой гэдгийг дурдав.
Дорнод аймгийн Улсын бүртгэлийн хэлтэс 2025 онд “дөт” машинаар 10,753 иргэнд үйлчилгээ үзүүлсэн бол үндэсний энгийн гадаад паспортын цахим машинаар 1,279 иргэн үйлчлүүлжээ.
Мөн e-Mongolia, e-Business цахим системүүдээр дамжуулан 41 төрлийн лавлагаа, 109 төрлийн үйлчилгээг иргэд авах боломжтой бөгөөд цахим үйлчилгээний хэрэглээ жилээс жилд нэмэгдэж байгааг мэдээллээ.
