Өмнөговь аймгийн Улсын бүртгэлийн хэлтсийн хүсэлтийн дагуу Төрийн архивын хэлтсээс нийт албан хаагчдад зориулсан албан хэрэг хөтлөлтийн талаарх сургалтыг амжилттай зохион байгууллаа.
Тус сургалтаар албан хэрэг хөтлөлтийн эрх зүйн зохицуулалт, баримт бичгийн бүрдүүлэлт, хадгалалт, ашиглалтын талаарх үндсэн ойлголт болон албан хэрэг хөтлөлтийн MNS 5140:2021 стандартыг танилцуулж, практикт мөрдөх ач холбогдлыг онцолсон юм. Сургалтын үеэр албан хаагчдын сонирхсон асуултад хариулж, өдөр тутмын үйл ажиллагаанд тулгамддаг асуудлуудыг хэлэлцэн, стандартын хэрэгжилтийг сайжруулах талаар санал солилцлоо.
Энэхүү сургалт нь байгууллагын албан хэрэг хөтлөлтийг нэг мөр стандартын дагуу зохион байгуулах, баримт бичгийн чанар, хариуцлагыг дээшлүүлэхэд чухал ач холбогдолтой байв.
.jpg)
