Төрийн албаны зөвлөлийн 2025 оны 11 дүгээр сарын 19-ний өдрийн 521 дүгээр тогтоолоор хувийн хэргийн бүрдлийн журам шинэчлэгдсэнтэй холбогдуулан Говьсүмбэр аймгийн Улсын бүртгэлийн хэлтсийн албан хаагчдад зориулсан сургалтыг зохион байгууллаа.
Сургалтыг Аймгийн Нэгдсэн эмнэлгийн сэтгэцийн эмч Б.Хэрлэн “Стрессийн менежмент” сэдвээр удирдан явуулж, оролцогч албан хаагчдыг сэтгэцийн эрүүл мэндийн үзлэгт хамруулав.
Сургалтын хүрээнд стрессийн талаарх суурь ойлголт, стрессийг танин мэдэх, түүнээс урьдчилан сэргийлэх, стрессийг зөв зохицуулах арга барилын талаар онолын болон практик мэдлэг олгосон юм. Энэхүү сургалт нь албан хаагчдын сэтгэцийн эрүүл мэндийн талаарх мэдлэг, ойлголтыг нэмэгдүүлэх, ажлын ачаалалтай орчинд өөрийгөө зөв удирдах чадварыг сайжруулахад чиглэсэн үр дүнтэй арга хэмжээ боллоо.
