Сэлэнгэ аймгийн улсын бүртгэлийн хэлтсийн дарга Б.Саранчимэг, Шаамар сумын Дулаанхаан тосгоны улсын бүртгэгч М.Мөнхмаа нар Шүүхийн шийдвэр гүйцэтгэх ерөнхий газрын харьяа Сэлэнгэ аймгийн Сайхан сум дахь 435 дугаар хаалттай хорих ангид ажиллалаа.
Зөөврийн тоног төхөөрөмж ашиглан бүртгэлийн үйлчилгээг газар дээр нь үзүүлж, ял эдэлж буй иргэдийн төрийн үйлчилгээ авах боломж, хүртээмжийг нэмэгдүүлэн ажилласан байна.
Тус ажлыг Сэлэнгэ аймгийн Гэмт хэргээс урьдчилан сэргийлэх ажлыг зохицуулах салбар зөвлөл (ГХУСАЗСЗ)-тэй хамтран зохион байгуулсан бөгөөд хорих ангийн интернэт холболтын нөхцөлийг сайжруулах зорилгоор Starlink төхөөрөмж суурилуулж, байгууллагын өдөр тутмын үйл ажиллагаа болон төрийн үйлчилгээний цахим хүртээмжийг нэмэгдүүлэхэд дэмжлэг үзүүлсэн байна.
