Азийн хөгжлийн банкны техникийн туслалцааны дэмжлэгтэй хэрэгжиж буй төслийн хүрээнд эд хөрөнгийн эрхийн улсын бүртгэлийн системийг шинэчлэн хөгжүүлэхэд шаардлагатай ажлын даалгаврын дагуу гүйцэтгэгч байгууллага болох “Аствишн” ХХК-ны ажлын хэсгийн бүрэлдэхүүнийг хүлээн авч уулзалт хийлээ.
Уулзалтаар шинэчлэн хөгжүүлж байгаа программын явц болон ажлын хэсгийн батлагдсан төлөвлөгөөг дэлгэрэнгүй танилцуулж, цаашид авч хэрэгжүүлэх арга хэмжээ, түүнчлэн төлөвлөгөөний дагуу хийгдэж буй хэд хэдэн тодорхой ажлуудыг эрчимжүүлэхээр тохиролцов.
Уулзалтад “Аствишн” ХХК-ны Систем архитектур, загварчлал хариуцсан захирал Т.Мөнх-Очир, Технологи хариуцсан захирал Д.Цогт-Баяр, Төслийн менежер Б.Уламбадрах, систем архитектур В.Бадрах, системийн шинжээч, хөгжүүлэгч нарын 10 хүн оролцсон бол УБЕГ-аас тус ажлын хэсгийн ахлагч ЭХЭУБГ-ын даргын албан үүргийг түр орлон гүйцэтгэгч Д.Болормаа, МТГ-ын дарга С.Чинбат болон бусад ажлын хэсгийн бүрэлдэхүүнд багтсан газар, хэлтсийн төлөөллүүд оролцлоо.
