Улсын бүртгэлийн ерөнхий газар болон дүүргийн улсын бүртгэлийн хэлтсийн албан хаагчид, тэдгээрийн гэр бүлийн гишүүдэд зориулсан нүдний урьдчилан сэргийлэх үзлэг, зөвлөгөөг "Соёлоо" хараа зүйн төвийн эмч нартай хамтран зохион байгууллаа.
Төрийн албан хаагчид ажлын онцлогоос шалтгаалан олон цагаар дэлгэц харж ажилладаг тул хараа муудах эрсдэл өндөр байдаг. Иймд уг үзлэгийн үеэр нүдний эрүүл мэндийн зөвлөгөө өгөхөөс гадна ойрын харааны нүдний шилийг үнэ төлбөргүй тааруулан өгч, холын харааны нүдний шилийг 50 хувийн хөнгөлөлттэй нөхцөлөөр захиалах боломжийг бүрдүүлсэн юм.
Урьдчилан сэргийлэх энэхүү үзлэгт нийт 180 гаруй хүн хамрагдаж, нүдний эрүүл мэнддээ анхаарах, эрсдэлээс сэргийлэх бодит мэдээлэл, зөвлөгөө авлаа.
Улсын бүртгэлийн ерөнхий газар нь албан хаагчдын эрүүл, аюулгүй орчинд ажиллах нөхцөлийг бүрдүүлэх, урьдчилан сэргийлэх арга хэмжээг цаашид ч тогтмол зохион байгуулж, нийгмийн хариуцлагыг хэрэгжүүлэн ажиллах болно.
