2022 оны 09 дүгээр сарын 25-ны өдрөөс үл хөдлөх эд хөрөнгийн өмчлөх эрх шилжилт, эрхийн улсын бүртгэлд нэмэлт, өөрчлөлт оруулах, үл хөдлөх эд хөрөнгийн барьцааны гэрээ, барьцаалбар, барьцааны гэрээний эрх дуусгавар болгох, түрээсийн гэрээний бүртгэл болон мэдээллийн сангаас лавлагаа, хуулбар олгох зэрэг бүртгэлийн үйлчилгээ нийслэлийн төвийн 6 дүүргийн хэмжээнд харьяалал харгалзахгүй үзүүлж байна.
Тэгвэл Улсын бүртгэлийн ерөнхий газрын даргын 2025 оны 12 дугаар сарын 01-ний өдрийн А/225 дугаар тушаалаар нийслэлийн 9 дүүргийн хэмжээнд буюу нэмээд Багануур, Багахангай, Налайх дүүргийн улсын бүртгэлийн хэлтсээс дээр дурдсан эд хөрөнгийн эрхийн улсын бүртгэлийн үйлчилгээг авах боломжтой. Ингэснээр иргэдийн цаг хугацаа болон эдийн засгийн зардлыг хэмнэх, үйлчилгээний хүртээмжийг нэмэгдүүлэх ач холбогдолтой юм.
