Монгол Улсад бүртгэлийн байгууллага үүсэж хөгжсөний 85 жилийн ойн тохиож байна

  1. 2025-11-20
  2. Цаг үе, үйл явдал, Мэдээ,
  3. 93 уншсан
A- A A+
Монгол Улсад бүртгэлийн байгууллага үүсэж хөгжсөний 85 жилийн ойн тохиож байна

Монгол Улсад бүртгэлийн байгууллага үүсэж хөгжсөний 85 жилийн ойн тохиож байна

       Монгол Улсад бүртгэлийн байгууллага үүсэж хөгжсөний түүхт 85 жилийн ойн хүндэтгэлийн хурал өнөөдөр /2025.11.20/ төрийн ордонд зохион байгуулагдлаа.

Хүндэтгэлийн хурлын эхэнд Монгол Улсын Ерөнхийлөгчийн зарлигаар Улсын бүртгэлийн байгууллагыг  төрийн дээд “Алтан гадас” одонгоор шагнаж нийтэд тунхаглалаа.

“Алтан гадас” одонт Улсын бүртгэлийн байгууллагын энэхүү хүндэтгэлийн хуралд Монгол Улсын Ерөнхийлөгчийн тамгын газрын дарга А.Үйлстөгөлдөр, ЗГХЭГ-ын тэргүүн дэд дарга Д.Мөнх-Эрдэнэ, ХЗДХ-ийн сайд Б.Энхбаяр болон Иргэний бүртгэл мэдээллийн улсын төвийн дарга асан А.Энхжав, Улсын бүртгэлийн ерөнхий газрын дарга Д.Давааням нар үг хэлж, баярын мэндчилгээ дэвшүүлэв.

Хуралд Улсын бүртгэлийн байгууллагын үе үеийн удирдлага, албан хаагч,  ахмад зүтгэлтнүүд оролцсон бөгөөд байгууллагын түүхэн замнал, ололт амжилт, ирээдүйн зорилтыг харуулсан баримтат кино, түүх өгүүлэх гэрэл зургийн үзэсгэлэнг дэлгэж ирсэн зочдод сонирхууллаа.  

Хүндэтгэлийн хурлын төгсгөлд Монгол Улсын ерөнхийлөгчийн зарлигаар улсын бүртгэлийн байгууллагад үр бүтээлтэй, идэвх зүтгэлтэй ажиллаж байгаа зарим албан хаагчдын гавьяаг үнэлэн төрийн дээд одон, медалиар шагнаж урамшуулав.

  

Монгол Улсад бүртгэлийн байгууллага үүсэж хөгжсөний түүхт 85 жилийн ой, Улсын бүртгэлийн нэгдсэн тогтолцоонд шилжсэний 16 жил, “Улсын бүртгэлийн ажилтны өдөр”-ийн мэндийг бүртгэлийн байгууллагын нийт ажилтан, албан хаагчид Та бүхэндээ өргөн дэвшүүлье.