Хэлтсийн дарга Б.Цэдмаа: Иргэдэд чанартай, түргэн шуурхай үйлчлэх нь бидний нэн тэргүүний зорилт билээ
Улсын бүртгэлийн байгууллагын түүхт 85 жилийн ойн хүрээнд Өвөрхангай аймгийн улсын бүртгэлийн хэлтсийг онцолж байна.
Танай аймгийн Улсын бүртгэлийн хэлтэс хэдэн онд байгуулагдсан бэ?
Анхны үеийн онцлогийг дурдана уу.Улсын бүртгэлийн нэгдсэн тогтолцоог бий болгох эрхзүйн орчин бүрдэж, 2009 онд Улсын бүртгэлийн ерөнхий хуулийг баталж, нэгдсэн бодлого хэрэгжүүлж эхэлсэн цаг үеэс эхлэн, бүртгэлийн гэсэн овгоор овоглож, архивчаас эхлэн, энэ цаг үед Өвөрхангай аймгийн бүртгэлийн байгууллагыг толгойлон ажиллаж байгаагаараа бахархдаг.
Та байгууллагад ажиллах хугацаандаа хамгийн тод харсан өөрчлөлт, ахиц дэвшил юу байсан бэ?
Өвөрхангай аймгийн Улсын бүртгэлийн хэлтэс байгуулагдсан цагаасаа эхлэн иргэдээ шинэчилсэн бүртгэлд амжилттай хамруулсан. 2012 оноос “Мянганы сорилын сан”-гийн хөрөнгийн эрхийн цахимжуулалтын төсөл хэрэгжиж, 9 аймгийн нэгээр шалгарсан нь бидний хувьд том ахиц байсан. Цахимжуулалтын ажлаараа аймгаасаа нэгдүгээр байр эзэлсэн нь байгууллагын хөгжил дэвшлийн бодит эхлэл болсон.
Сүүлийн жилүүдэд танай байгууллагаас хэрэгжүүлсэн онцлох ажил юу вэ?
Хамт олноо тав тухтай, ээлтэй орчинд ажиллуулах зорилгоор хүүхдийн өрөө, чийрэгжүүлэлтийн өрөөг шинээр тохижуулж, байгууллагын ажлын хувцасны стандарт загвараа бий болгон 3 төрлийн хувцастай болсон. Энэ нь ажиллах урам зоригийг нэмсэн төдийгүй бусад аймгуудад туршлага болсон.
.jpg)
Иргэдэд үзүүлж буй үйлчилгээ, цахимжилтын давуу талын талаар байр сууриа хэлнэ үү.
Бүртгэлийн үйлчилгээ цахимжсанаар иргэний эрхийг баталгаажуулах, төрийн үйлчилгээг түргэн шуурхай хүргэх, үйлчилгээний цахим орчин бүрдсэн. Бид 3 төрлийн бүртгэлийн үйлчилгээг ажлын 8 цагт багтаан үйлчилж байгаа бөгөөд цайны цаггүйгээр зохицуулалт хийн ажиллаад 2 жил болж байна.
Танай байгууллагын ажилд онцлог нөхцөл, тулгарах сорилт юу байдаг вэ?
Манай байгууллага “ногоон нэгж” болох зорилт дэвшүүлж, хүрээндээ зохион байгуулсан ажлуудаараа “Аймгийн шилдэг тохижилттой байгууллага”-аар шалгарсан. Эдгээр ажлууд нь хамт олны оролцоог нэмэгдүүлсэн төдийгүй байгууллагын соёлыг шинэ шатанд гаргасан.
Улсын бүртгэлийн байгууллагын түүхт 85 жилийн ойг тохиолдуулан үе үеийн ахмадууддаа, нийт албан хаагчдадаа халуун баярын мэндийг хүргэе. Албаараа омогшин бахархаж, эрхэм үйлсээрээ үлгэрлэн манлайлагч хамт олонтойгоо энэ цаг үед мөр зэрэгцэн ажиллаж буйдаа туйлын баяртай бөгөөд бахархалтай байна.
