Улсын бүртгэлийн байгууллага үүсэж хөгжсөний 85 жилийн ойн хүрээнд улсын бүртгэлийн байгууллагын ажилтан, албан хаагч нарын улсын бүртгэлийн багц хууль, эрх зүйн талаарх мэдлэгийг сорих, ажил мэргэжлийн ур чадварыг дээшлүүлэх, туршлага солилцох, багаар ажиллах чадварыг нэмэгдүүлэх зорилгоор дүүргийн Улсын бүртгэлийн хэлтсийн албан хаагчдын дунд “Ур чадвар, ажил мэргэжлийн тэмцээн-2025” уралдаан зохион байгуулагдаж байна.
Уг тэмцээнд Баянгол, Баянзүрх, Сонгинохайрхан, Сүхбаатар, Хан-Уул, Чингэлтэй дүүргийн улсын бүртгэлийн хэлтэс тус бүр нэг баг бүрдүүлж, Багахангай, Багануур, Налайх дүүргийн Улсын бүртгэлийн хэлтсүүд нэгдэн 1 баг болж зохион байгуулагч, шүүгчдийн бүрэлдэхүүнээс өгсөн даалгаваруудыг гүйцэтгэн, асуулт хариулт, гэрийн даалгавар, тухайн нөхцөлд өгөгдсөн кейс зэрэг дээр хамтран ажиллаж нөхөрсөгөөр өрсөлдөх юм.
