Сүхбаатар аймгийн Улсын бүртгэлийн хэлтсийн хамт олон хүний эрхийг дээдэлж, хүнлэг энэрэнгүй зарчмыг үйл ажиллагаандаа мөрдлөг болгон ажиллаж байна.
Хөгжлийн бэрхшээлтэй хүний эрхийн тухай хуулийн баримтлах зарчмыг хэрэгжүүлэх хүрээнд тус хэлтэс хөгжлийн бэрхшээлтэй иргэд, өндөр настнууд, жирэмсэн эмэгтэйчүүдэд зориулсан саадгүй, хүртээмжтэй орчин бүрдүүлэх бодит ажлыг хийж хэрэгжүүлжээ.
Ингэснээр өмнө нь шатаар дээш гарахад хүндрэлтэй байсан тэргэнцэртэй болон хөлийн хөдөлгөөний бэрхшээлтэй иргэд, өндөр настай болон жирэмсэн иргэд төрийн үйлчилгээг саадгүй, тэгш хүртээмжтэйгээр авах боломжтой болжээ.
Энэхүү санаачилга нь Сүхбаатар аймгийн бүртгэлийн хамт олон төрийн албан хаагчийн ёс зүйн хэм хэмжээг чанд баримталж, хүн төвтэй, энэрэнгүй төрийн үйлчилгээний соёлыг төлөвшүүлж буй тод илрэл юм.
