Налайх дүүргийн Улсын бүртгэлийн хэлтэс нь 2025 оны гүйцэтгэлийн төлөвлөгөөний хүрээнд, мөн Улсын бүртгэлийн байгууллага үүсэж хөгжсөний 85 жилийн ойн арга хэмжээний хүрээнд Шүүхийн шийдвэр гүйцэтгэх ерөнхий газрын харьяа 441 дүгээр нээлттэй хорих ангид ажиллав. Төрийн үйлчилгээг тэгш, хүртээмжтэй хүргэх зорилгын хүрээнд зөөврийн бүртгэлийн тоног төхөөрөмж ашиглан тус ангид хоригдож буй 14 иргэнд иргэний үнэмлэхийн хугацаа сунгах болон дахин захиалах үйлчилгээг газар дээр нь үзүүллээ. Энэхүү арга хэмжээ нь иргэдийн эрхийг хангах, төрийн үйлчилгээг хүн бүрт хүргэх зорилго бүхий “Тэгш үйлчилгээ–Төрийн хариуцлага” уриан дор хэрэгжиж байгаа юм.
Налайх дүүргийн улсын бүртгэлийн хэлтэс 441-р хорих ангид ажиллалаа
