Улсын бүртгэлийн байгууллагын санхүүгийн албан хаагчдын нэгдсэн сургалт зохион байгуулагдаж байна

   Улсын бүртгэлийн ерөнхий газар, нийслэл болон 21 аймгийн санхүүгийн албан хаагчдад Хууль зүй, дотоод хэргийн салбарын санхүү, нягтлан бодох бүртгэлийн e-accounting.mojha.gov.mn систем дээр ажиллах, санхүүгийн тайлан гаргах онолын болон дадлагажуулах мэдлэг олгох мөн албан хаагчдын ур чадвар, мэдлэгийг нэмэгдүүлэх, харилцан туршлага солилцох, төсөв, санхүү нягтлан бодох бүртгэлийн асуудлаар зөвлөмж, чиглэл өгөх зорилгоор нэгдсэн сургалтыг 2025 оны 11 дүгээр сарын 05-наас 07-ны өдрүүдэд зохион байгуулж байна.

  Сургалтыг Санхүү, аж ахуйн хэлтсийн дарга С.Энхнаран нээж байгууллагын санхүүгийн үйл ажиллагаа болоод цаашдын баримтлах бодлогоо танилцуулан, албан хаагчдад санхүүгийн үйл ажиллагаа, ажлын гүйцэтгэлд онцгой анхаарч ажиллахыг сануулан сургалтын үйл ажиллагаанд нь амжилт хүслээ.

   Үргэлжлүүлэн ХЗДХЯ-ны СХОГ-ын ахлах шинжээч Б.Болормаа, “Эрин системс” ХХК-ийн төслийн менежер Г.Нансалмаа, С.Алтансарнай, Б.Мөнхжаргал нар холбогдох сэдвийн хүрээнд илтгэл тавьж, албан хаагчдад дэлгэрэнгүй мэдээлэл өгөхөөс гадна харилцан туршлага солилцож, практик дээр дадлага сургуулилт хийх юм. Тус сургалт УБЕГ-ын хурлын танхимд зохион байгуулагдаж байгаа бөгөөд ерөнхий газар, нийслэл болон орон нутгийн нийт 40 гаруй албан хаагч хамрагдаж байна.