Хүүхдийг Ивээх Сангийн урилгаар Балба улсын Олон улсын төрийн бус байгууллагуудын холбоо (AIN)-ны төлөөлөгчид 2026 оны 10 дугаар сарын 28–30-ны өдрүүдэд Монгол Улсад туршлага судлах айлчлал хийж байна.
Айлчлалын хүрээнд төлөөлөгчид Улсын бүртгэлийн ерөнхий газрын холбогдох албан тушаалтан, мэргэжилтнүүдтэй уулзаж, төрийн бус байгууллагын улсын бүртгэлийн үйл ажиллагааны талаар мэдээлэл авах хүсэлт гаргасны дагуу уулзалт зохион байгууллаа.
Уулзалтаар Монгол Улсад төрийн бус байгууллага, холбоодыг улсын бүртгэлд бүртгэх үйл ажиллагаа, шинээр бүртгүүлэхэд бүрдүүлэх баримт бичиг, бүртгэлийн мэдээлэлд өөрчлөлт оруулах, байгууллагыг татан буулгахтай холбоотой хууль, эрх зүйн зохицуулалт, бүртгэлийн үйл явц болон практикт тулгардаг нийтлэг асуудлаар дэлгэрэнгүй мэдээлэл өгч, харилцан санал солилцов.
