Улсын бүртгэлийн ерөнхий газрын Эд хөрөнгийн эрхийн улсын бүртгэлийн газар “Эд хөрөнгийн эрхийн улсын бүртгэл хөтлөхөд анхаарах асуудал, нотариатын зуучлалаар эрхийн улсын бүртгэл хөтлөх мэдлэг олгох тухай” сэдэвт ээлжит сургалтыг өнөөдөр /2025.11.05/ зохион байгууллаа.
ЭХЭУБГ-ын дарга Б.Ариунболд сургалтыг нээж, улсын ахлах бүртгэгч Э.Отгонтунгалаг болон улсын бүртгэгч Л.Гансүх нар дээрх сэдвийн дагуу тус тус илтгэл хэлэлцүүлж, сургалтын төгсгөлд холбогдох асуултуудад хариулт өглөө.
Сургалтад УБЕГ-ын Эд хөрөнгийн эрхийн улсын бүртгэлийн газрын улсын бүртгэгч, улсын ахлах бүртгэгч, мэргэжилтэн, ахлах мэргэжилтэн нар танхимаар, Нийслэлийн 9 дүүргийн улсын бүртгэлийн хэлтсийн эд хөрөнгийн эрхийн улсын бүртгэгч, улсын ахлах бүртгэгч нар, 21 аймгийн Улсын бүртгэлийн хэлтсийн эд хөрөнгийн эрхийн улсын бүртгэгч, сумдын эд хөрөнгийн эрхийн улсын бүртгэл хөтлөх эрхтэй улсын бүртгэгч нар цахимаар хамрагдав.
