Иргэдэд төрийн үйлчилгээг ойртуулж, шуурхай хүргэх зорилтын хүрээнд Улсын бүртгэлийн байгууллага зөөврийн тоног төхөөрөмж ашиглан газар дээр нь бүртгэлийн үйлчилгээ үзүүлэх ажлыг тогтмол зохион байгуулж байна.
Энэхүү ажлын хүрээнд Иргэний улсын бүртгэлийн газар болон Улсын бүртгэлийн нэгдсэн архивын газар хамтран Шүүхийн шийдвэр гүйцэтгэх ерөнхий газрын харьяа 429 дүгээр хаалттай хорих ангийн төрөлжсөн мэргэшлийн эмнэлэгт ажиллаж, иргэдэд улсын бүртгэлийн үйлчилгээг үзүүллээ.
Тухайн өдөр дараах үйлчилгээг үзүүлсэн байна. Үүнд:
• Иргэний үнэмлэх шинээр захиалах – 3,
• Иргэний үнэмлэхийн лавлагаа олгох – 58
Улсын бүртгэлийн байгууллагаас ийнхүү зөөврийн тоног төхөөрөмж ашиглан хорих анги, эмнэлэг болон иргэдийн зорчих боломж хязгаарлагдмал бусад газарт үйлчилгээг хүргэж байсан бөгөөд энэ нь иргэдэд төрийн үйлчилгээг саадгүй, хүртээмжтэйгээр хүргэхэд чухал үр дүнгээ өгсөөр байна.
Цаашид энэхүү ажлыг үе шаттайгаар тогтмолжуулан зохион байгуулж, улсын бүртгэлийн үйлчилгээг газар дээр нь хүргэх хүрээг өргөжүүлэхээр төлөвлөж байна.
