Олон улсын ахмадын өдрийг тохиолдуулан Улсын бүртгэлийн ерөнхий газар байгууллагынхаа түүхэнд үнэтэй хувь нэмэр оруулсан үе үеийн ахмад ажилтнуудаа хүлээн авч уулзан, хүндэтгэл үзүүллээ. Энэхүү уулзалтад тус байгууллагын ахмадууд хүрэлцэн ирж, хамт олонтойгоо дурсамжаа хуваалцан, байгууллагын өнөөгийн хөгжил, шинэчлэлийн талаар мэдээлэл сонслоо.
Ахмадууд байгууллагын үйл ажиллагаа өргөжин тэлж, иргэдэд түргэн шуурхай, чанартай үйлчилгээ үзүүлж байгаад баяртай байгаагаа илэрхийлэв. Уулзалтын үеэр Улсын бүртгэлийн ерөнхий газрын удирдлагууд ахмад буурлууддаа талархал илэрхийлж, олон жилийн туршид байгууллагын нэр хүнд, хөгжлийн төлөө гаргасан хөдөлмөр, зүтгэлийг нь өндрөөр үнэлэн хүндэтгэл үзүүлсэн юм. Мөн ахмадуудад баярын бэлэг гардуулж, эрүүл энх, урт удаан наслахын ерөөл өргөн дэвшүүлэв.
