Налайх дүүргийн Улсын бүртгэлийн хэлтэс нь Гэмт хэрэг, зөрчлөөс урьдчилан сэргийлэх тухай хуулийн хэрэгжилтийг хангах, иргэдийн зөрчигдсөн эрхийг сэргээх, төрийн үйлчилгээ авах боломжийг бүрдүүлэх зорилгоор дүүргийн Гэмт хэргээс урьдчилан сэргийлэх ажлыг зохицуулах салбар зөвлөл болон Засаг даргын Тамгын газар, Прокурорын газар, Цагдаагийн хэлтэс, Шүүхийн шийдвэр гүйцэтгэх хэлтэс, Шүүх шинжилгээний хэлтэстэй хамтран зохион байгуулсан “Таны эрхийг хамгаалъя” өдөрлөгт оролцлоо.
Өдөрлөгийн гол зорилго нь хорихоос өөр төрлийн ялаар шийтгүүлсэн болон хугацаанаас өмнө суллагдсан иргэдийн нийгэмд дасан зохицох, нийгмийн амьдралд эрх тэгш оролцох нөхцөлийг бүрдүүлэхэд чиглэсэн юм.
Энэхүү арга хэмжээний үеэр Налайх дүүргийн Улсын бүртгэлийн хэлтэс оролцогч иргэдэд зөвлөгөө мэдээлэл өгөхөөс гадна лавлагаа гаргах, иргэний үнэмлэхийн үйлчилгээ үзүүлэх, шилжилт хөдөлгөөнийг бүртгэх зэрэг төрийн үйлчилгээг газар дээр нь үзүүллээ.
