Улсын бүртгэлийн ерөнхий газрын дэргэдэх Ёс зүйн дэд хороо нь Төрийн албан хаагчийн ёс зүйн тухай хууль болон бусад хууль тогтоомжид заасан ёс зүйн хэмжээг мөрдүүлэх, Улсын бүртгэлийн байгууллагын төрийн албан хаагчийн ёс зүйн зөрчлөөс урьдчилан сэргийлэх, соён гэгээрүүлэх ажлын 2025 оны төлөвлөгөөний хэрэгжилтийг хангах хүрээнд дүүргийн Улсын бүртгэлийн хэлтэст ажиллах удирдамжийг батлан ажиллаж байна.
Ёс зүйн дэд хорооны дарга С.Оюунгэрэл, гишүүн Б.Должинсүрэн, Б.Отгон, Э.Батцэнгэл, нарийн бичгийн дарга Э.Сувд-Эрдэнэ нарын бүрэлдэхүүнтэй 2025 оны 08 дугаар сарын 08, 21-ний өдрүүдэд Сонгинохайрхан, Сүхбаатар дүүргийн Улсын бүртгэлийн хэлтэст ажиллаж, ёс зүйн зөрчил, анхаарах асуудлын хүрээнд сургалтыг зохион байгууллаа.
Сургалт, мэдээллийн хүрээнд хэлтсийн удирдлагатай уулзаж, ёс зүйн манлайллын талаар болон нэгжийн хэмжээнд нөлөөллийн ямар арга хэмжээ авч хэрэгжүүлж байгаа тухай мэдээлэл солилцож, нийт 39 албан хаагчийг хамруулан хамт олны дунд эерэг уур амьсгалыг бүрдүүлэхэд юуг анхаарах талаар хэлэлцүүлэг зохион байгуулж, “Улсын бүртгэлийн байгууллагын соёл, ёс зүйн үнэт зүйл”-ийг танилцуулсан.
Мөн үйлчилгээний танхимд улсын бүртгэлийн үйлчилгээ авч буй иргэдээс “Улсын бүртгэлийн байгууллагын төрийн албан хаагчийн ёс зүй, харилцаа хандлагын талаарх иргэдийн үнэлгээний судалгаа“-г авсан бөгөөд судалгаанд нийт 41 иргэн оролцсон байна. Судалгааны үр дүнг бүх дүүргийн Улсын бүртгэлийн хэлтсүүдэд ажиллаж дууссаны дараа нэгтгэж, танилцуулахаар төлөвлөж байна.
Сонгинохайрхан дүүргийн Улсын бүртгэлийн хэлтэс:
Сүхбаатар дүүргийн Улсын бүртгэлийн хэлтэс:
