Төрийн байгууллагуудын дотоод үйл ажиллагааны удирдлагын нэгдсэн систем erp.e-mongolia.mn-ийн ашиглалт, хэрэглээ болон үйл ажиллагааны явцад хөтлөгдөх баримт бичгийн стандартыг хангах асуудлаар албан хаагчдад зориулсан сургалт өнөөдөр зохион байгуулагдлаа.
Сургалтын зорилго нь төрийн байгууллагын дотоод үйл ажиллагаанд энэхүү системийг нэгдсэн журмаар хэрэглэх мэдлэг, чадварыг ажилтнуудад олгох, баримт бичгийн удирдлага, стандартын хэрэгжилтийг сайжруулахад чиглэсэн юм.
Сургалтад Улсын бүртгэлийн ерөнхий газар, аймаг, дүүргийн Улсын бүртгэлийн хэлтсийн дарга, хэлтсийн дотоод ажил хариуцсан албан хаагч, бичиг хэргийн эрхлэгч нар танхим болон цахимаар хамрагдлаа.
Албан хаагчдад erp.e-mongolia.mn системийн сургагч багш хичээл зааж, системийн боломж, хэрэглээ болон цаашдын үйл ажиллагаанд хэрхэн үр дүнтэй ашиглах талаар дэлгэрэнгүй мэдээлэл өглөө.
