Азийн хөгжлийн банкны техникийн туслалцааны хүрээнд хэрэгжиж буй “Сумдад эд хөрөнгийн эрхийн болон хуулийн этгээдийн улсын бүртгэлийн үйлчилгээг цахимжуулах, нэвтрүүлэх замаар төрийн үйлчилгээг бэхжүүлэх, төвлөрлийг сааруулах” төслийн хүрээнд эд хөрөнгийн эрхийн болон хуулийн этгээдийн улсын бүртгэлийн системийг шинэчлэн хөгжүүлэх ажлыг гүйцэтгэгч “Аствишн” ХХК-тай өнөөдөр гурван талт уулзалт хийж, төслийн гүйцэтгэлтэй танилцлаа.
Уулзалтад байгууллагын удирдлагын баг, төлөөлөл болон төслийн нэгжийн зохицуулагч, гүйцэтгэгч “Аствишн” ХХК-ийн төлөөлөл оролцсон бөгөөд гүйцэтгэлийн явц, тулгамдаж буй асуудал, цаашдын үе шатын талаар дэлгэрэнгүй мэдээлэл солилцлоо.
Уулзалтын төгсгөлд удирдлагын зүгээс төслийн гүйцэтгэлд үнэлгээ өгч, цаашид системийг найдвартай, хэрэглэгчдэд ээлтэй байлгах чиглэлээр нягт хамтран ажиллах шаардлагатайг тэмдэглэв.
