Үр бүтээлтэй ажилласан албан хаагчдыг шагнаж урамшууллаа

Монгол Улсын Тулгар төрийн 2234 жил, Их Монгол Улсын 819 жил, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмыг тохиолдуулан улсын бүртгэлийн байгууллагын нэр хүндийг өндөрт өргөж, ажлын амжилт, бүтээлээрээ манлайлан ажиллаж буй албан хаагчдыг шагнах ёслолын арга хэмжээ боллоо.

Шагнал гардуулах ёслолд Улсын бүртгэлийн ерөнхий газрын удирдлагууд болон газар, хэлтсийн дарга нар оролцож, төрийн албанд үнэнч шударгаар ажиллаж, байгууллагын хөгжил дэвшилд үнэтэй хувь нэмэр оруулж буй албан хаагчдад халуун баяр хүргэж, амжилт хүслээ.

Хууль зүй, дотоод хэргийн сайдын тушаалаар дараах шагналаар албан хаагчдыг шагнасан байна. Үүнд:

Хууль зүйн албаны тэргүүний ажилтан цол тэмдэг,
Улсын бүртгэлийн тэргүүний ажилтан цол тэмдэг,
Хууль зүй, дотоод хэргийн яамны Хүндэт жуух бичиг,

Мөн Улсын бүртгэлийн ерөнхий газрын даргын тушаалаар:

Улсын бүртгэлийн ерөнхий газрын “Жуух бичиг”-ээр албан хаагчдыг шагнасныг тус тус гардуулан өглөө.

Салбарын болон байгууллагын шагналаар нийт 153 албан хаагч шагнагджээ.

Эдгээр шагнал нь төрийн үйлчилгээний чанар, хүртээмжийг сайжруулах, байгууллагын үйл ажиллагааг тасралтгүй сайжруулахад үнэтэй хувь нэмэр оруулсан албан хаагчдын хичээл зүтгэлийг үнэлсэн бодит илэрхийлэл юм.