Налайх дүүргийн улсын бүртгэлийн хэлтэс Хууль зүй, дотоод хэргийн салбарын хууль тогтоомж, үйл ажиллагааг олон нийтэд сурталчлах, таниулах ажлын хүрээнд “Эрдэмт Монгол” арга хэмжээг зохион байгууллаа.
Энэхүү арга хэмжээний онцлог нь хэлтсийн албан хаагчдын хүүхдүүдийг ажлын байранд урьж, улсын бүртгэлийн байгууллагын үйл ажиллагаа, бүтэц зохион байгуулалт болон хамт олны уур амьсгалыг танилцуулсан явдал байв. Мөн ирээдүйд ямар мэргэжлийг сонгох, ажил хөдөлмөрийн үнэ цэнэ, төрийн албанд ажиллахын ач холбогдлын талаар хүүхдүүдтэй нээлттэй ярилцлага өрнүүллээ.
Арга хэмжээ нь хүүхдүүдийн ирээдүйн зорилго, төлөвшилд эерэг нөлөө үзүүлсэн, боловсролын болон хүмүүжлийн ач холбогдолтой уулзалт боллоо.
