Татварын ерөнхий хууль /шинэчилсэн найруулга/-ийг дагаж мөрдөх журмын тухай хуулийн 9 дүгээр зүйлд заасны дагуу хуулийн этгээд нь эцсийн өмчлөгчийн мэдээллээ хуулийн этгээдийн улсын бүртгэлд бүртгүүлэх үүрэг хүлээсэн.
Хуулийн этгээд эцсийн өмчлөгчийн мэдээллийг улсын бүртгэлд бүртгүүлэхдээ дараах баримт бичгийг бүрдүүлэн аймаг, дүүргийн улсын бүртгэлийн хэлтэс, нийслэлийн үйлчилгээний нэгдсэн төвд хандана. Үүнд:
- Хуулийн этгээдийн эцсийн өмчлөгчийн мэдээллийг улсын бүртгэлд бүртгүүлэх өргөдөл УБ-12 маягт /маягтыг үнэн зөв бөглөн тус тус хавсаргаж, эцсийн өмчлөгчийн мэдээллээ улсын бүртгэлд бүртгүүлнэ. https://burtgel.gov.mn/service/index.php/les-newlist/download
- Улсын тэмдэгтийн хураамж төлсөн баримт;
- Эцсийн өмчлөгч нь гадаадын иргэн бол паспортын хуулбар /F-registr бүхий оршин суух зөвшөөрлийн үнэмлэхний хуулбар/;
- Үргэлжилсэн хэлхээ холбоо бүхий гадаадын хуулийн этгээд бол тухайн улсын эрх бүхий байгууллагаар баталгаажуулсан хуулийн этгээдийн гэрчилгээний хуулбар, түүний орчуулгын баталгаажуулсан хувь.
Мөн E-Business.mn цахим системд нэвтрэн “Хуулийн этгээдийн эцсийн өмчлөгч өөрчлөх” үйлчилгээг сонгож, эцсийн өмчлөгчөө бүртгүүлэх боломжтой.
Дараах нэр бүхий хуулийн этгээдүүд 2025 оны 07 дугаар сарын 01-ний өдрийн дотор багтаан эцсийн өмчлөгчийн мэдээллийг улсын бүртгэлд бүртгүүлээгүй тохиолдолд улсын бүртгэлийг түдгэлзүүлэх арга хэмжээ авах, улмаар санхүү, татвар, нийгмийн даатгалын тайлан илгээх боломжгүй болгох, тендер шалгаруулалтад оролцох боломжгүй болгох зэрэг эрсдэл үүсэхийг анхаарна уу.
