Монгол Улсын Дээд шүүхийн хяналтын шатны захиргааны хэргийн шүүхээр иргэний үнэмлэхийг гээсэн, үрэгдүүлсэн, гэмтээсэн зэрэг шалтгаанаар дахин авахад торгууль ноогдуулахгүй байхаар шийдвэрлэсэн юм.
Уг шийдвэрийн дагуу 2025 оны 6 дугаар сарын 10-ны өдрийн байдлаар нийт 47,868 иргэнд торгуульгүйгээр дахин иргэний үнэмлэхийг олгоод байна. Энэ нь иргэдийн хувьд цаг хугацаа болон санхүүгийн хувьд хүндрэлгүйгээр төрийн үйлчилгээг авах нөхцөл бүрдсэн чухал алхам юм.
Энэхүү эрх зүйн маргааныг эцэслэн шийдвэрлүүлсэн Улсын ерөнхий прокурорын газрын Зөрчлийн хэрэг бүртгэх ажиллагаанд хяналт тавих хэлтсийн хяналтын прокурор Н.Эрдэнэбилэг танд Улсын бүртгэлийн байгууллагын зүгээс талархал илэрхийлье.
