Улсын бүртгэлийн ерөнхий газрын даргын үүргийг түр орлон гүйцэтгэгч У.Болдхүү Азийн хөгжлийн банкны Техникийн туслалцааны дэмжлэгтэйгээр хэрэгжиж буй “TA10201-МОН: Сумдад эд хөрөнгийн эрхийн болон хуулийн этгээдийн улсын бүртгэлийн үйлчилгээг цахимжуулах, нэвтрүүлэх замаар төрийн үйлчилгээг бэхжүүлэх, төвлөрлийг сааруулах” төслийн хүрээнд эд хөрөнгийн эрхийн болон хуулийн этгээдийн улсын бүртгэлийн системийг шинэчлэн хөгжүүлэх ажлын гүйцэтгэгч зөвлөх багийн төлөөллийг хүлээн авч уулзав.
(1).jpg)
Азийн хөгжлийн банкнаас бие даан сонгон шалгаруулалт хийж, гэрээ байгуулсан Аствишн ХХК төслийн зөвлөх багаар ажиллах бөгөөд талууд гэрээний хүрээнд хэрэгжүүлэх үйл ажиллагаа, төлөвлөлт, зохион байгуулалт, анхаарах асуудлаар харилцан мэдээлэл, санал солилцов.
Гэрээний хүрээнд эд хөрөнгийн эрхийн болон хуулийн этгээдийн улсын бүртгэлийн системийг шинэчлэн хөгжүүлэх, цахим гэрчилгээ нэвтрүүлэх, сонгогдсон сумдад эд хөрөнгийн эрхийн болон хуулийн этгээдийн улсын бүртгэлийн үйлчилгээг нэвтрүүлэх, ажилтнуудын чадавхыг бэхжүүлэх үйл ажиллагааг хэрэгжүүлнэ.
