Хөвсгөл аймгийн улсын бүртгэлийн хэлтэс хөгжлийн бэрхшээлтэй хүний нийгмийн харилцаанд тэгш оролцох эрхийг ханган ажиллаж байна. Тус хэлтэс нь 2024 онд хөгжлийн бэрхшээлтэй иргэний эрхийг ханган ажилласны үр дүнд "Хүртээмжтэй байгууллага"-аар шалгарсан амжилттайгаар ажилласан юм.
2025 оны хөгжлийн бэрхшээлтэй хүний эрхийг ханган ажиллах төлөвлөгөөний хүрээнд, харааны бэрхшээлтэй иргэдэд чиглэсэн дараах үйл ажиллагааг хэрэгжүүллээ.
Тартелин замыг байгууллаа
Харааны бэрхшээлтэй иргэдэд зориулсан навигацийн зориулалттай тартелин замыг байгуулж, 600,000 төгрөгийн зардлыг хэлтсийн урсгал төсвөөс шийдвэрлэн хэрэгжүүлэв.
Брайл үсгийн гарын авлага бэлтгэв
Иргэний улсын бүртгэл, эд хөрөнгийн эрхийн улсын бүртгэл, хуулийн этгээдийн улсын бүртгэлийн бүрдүүлбэр материалыг брайл үсгээр бэлтгэн, “Брайл үсгийн гарын авлага”-ыг боловсруулж, үйлчилгээний зааланд байршуулав.
Эдгээр ажлууд нь хөгжлийн бэрхшээлтэй иргэдэд төрийн үйлчилгээг тэгш, хүртээмжтэй хүргэх зорилтыг хангах чухал алхмуудын нэг болсон юм.
