Улсын бүртгэлийн байгууллага үүсэж хөгжсөний 85 жилийн ойг угтан Багануур дүүргийн Улсын бүртгэлийн хэлтсээс "Ажил мэргэжлээ сурталчлах өдөрлөг"-ийн арга хэмжээг амжилттай зохион байгууллаа. Тус өдөрлөгийг Нийслэлийн ерөнхий боловсролын Оюуны-Эрин сургуультай хамтран зохион байгуулсан бөгөөд сурагчдад Улсын бүртгэлийн байгууллагын үүрэг, үйл ажиллагаа, бүртгэлийн төрлүүд болон мэргэжлийн онцлогийн талаар танилцуулж, ирээдүйн мэргэжил сонголтод нь зөвлөгөө өгөх зорилготой байв.
Өдөрлөгийн хүрээнд албан хаагчид бүртгэлийн үйл ажиллагааг танилцуулах үзэсгэлэн гаргаж, сурагчдын сонирхсон асуултад хариулт өгч, мэргэжлийн чиг баримжаа олгох танин мэдэхүйн яриа, харилцан ярилцлага өрнүүлсэн юм.
Тус арга хэмжээ нь хүүхэд, залуусын ирээдүйн мэргэжил сонголтод зөв ойлголт өгөх, төрийн үйлчилгээний талаарх мэдлэгийг нэмэгдүүлэх, байгууллагын үйл ажиллагааг олон нийтэд сурталчлах ач холбогдолтой байлаа.
%20(1)%20(4).jpg)
