Баян-Өлгий аймгийн улсын бүртгэлийн хэлтэс Гэр бүлийн хүчирхийлэл, хүүхдийн эсрэг гэмт хэргээс урьдчилан сэргийлэх, хүн худалдаалахтай тэмцэх тухай Үндэсний хөтөлбөр болон дэд төлөвлөгөөний хэрэгжилтийг хангах зорилгоор Баян-Өлгий аймгийн Прокурорын газрын Хяналтын прокурор, хууль цаазны ахлах зөвлөх Д.Аянагүл, тус хэлтсийн Хяналтын улсын байцаагч А.Еркегүл нар хамтран албан хаагчдад зориулсан хууль эрх зүйн сургалтыг танхим болон цахим хэлбэрээр амжилттай зохион байгууллаа.
Сургалтаар дээрх төрлийн гэмт хэрэг, зөрчлийн онцлог, хууль эрх зүйн зохицуулалт, урьдчилан сэргийлэх арга замуудын талаар дэлгэрэнгүй мэдээлэл өгч, албан хаагчдын мэдлэг, ойлголтыг нэмэгдүүлэхэд чиглэсэн үр дүнтэй хэлэлцүүлэг өрнөсөн юм.
