Улсын бүртгэлийн байгууллага үүсч хөгжсөний 85 жилийн ойн хүрээнд хэрэгжүүлж буй үйл ажиллагааны нэг хэсэг болох "Нээлттэй өдөрлөг" арга хэмжээг Говь-Алтай аймгийн Хөхморьт сумын Овгор шар хэмээх газарт амжилттай зохион байгуулагдлаа.
Арга хэмжээнд Баян-Уул сумын Баянговь, Хүйсийн говь, Дарив сумын Хужирт, Хөхморьт сумын Сангийн далай, Хүйсийн говь багийн нийт 64 иргэн хамрагдав.
Улсын бүртгэгч Н. Золжаргал, Д. Отгонтуул, мэдээллийн технологийн ажилтан М. Бат-Эрдэнэ, гэрээт ажилтан Б. Даваапүрэв нар оролцож:
- Улсын бүртгэлийн байгууллагын үйл ажиллагааны онцлог,
- Цахим үйлчилгээний боломж,
- Тоон гарын үсгийн ач холбогдлын талаар мэдээлэл өгч,
- 23 иргэнд зөөврийн төхөөрөмж ашиглан тоон гарын үсэг олголоо.
Улсын бүртгэлийн үйлчилгээг малчны хотонд хүрч үзүүлсэн энэхүү санаачилга иргэдэд төрийн үйлчилгээг ойртуулсан чухал алхам боллоо.
