Улсын бүртгэлийн байгууллага үүсэж хөгжсөний 85 жилийн ойг угтан "Хуулиа сурталчилъя" арга хэмжээний хүрээнд сургалт зохион байгууллаа. Тодруулбал, хуулийн этгээд, эд хөрөнгийн эрхийн улсын ахлах бүртгэгч С.Жамбалсүрэн болон улсын бүртгэгч О.Сарангэрэл нар Ариг банкны албан хаагч нарт зориулсан сургалт зохион байгууллаа.
Сургалтаар эд хөрөнгийн эрхийн улсын бүртгэлийн барьцаалбар болон барьцааны эрхийн тухай мэдээлэл, холбогдох хууль, журам, бүртгэлийн үйл ажиллагааны талаар дэлгэрэнгүй танилцуулсан юм.
Тус арга хэмжээ нь улсын бүртгэлийн эрх зүйн мэдлэгийг олон нийтэд сурталчлах, иргэд, аж ахуйн нэгжүүдэд бүртгэлийн үйл ажиллагааны талаарх ойлголт, мэдээллийг нэмэгдүүлэх зорилготой юм.
