Дорнод аймгийн Улсын бүртгэлийн хэлтэс нь Хөдөлмөр, халамжийн үйлчилгээний газрын харьяа Зүүн бүсийн ахмад настны асрах үйлчилгээний төвд зөөврийн тоног төхөөрөмж ашиглан улсын бүртгэлийн үйлчилгээг газар дээр нь үзүүллээ.
Энэхүү арга хэмжээ нь 2025 оны 5 дугаар сарын 29-ний өдөр амжилттай зохион байгуулагдсан бөгөөд зорилтот бүлгийн иргэд болох ахмад настнуудад төрийн үйлчилгээг шуурхай, хүртээмжтэй хүргэх зорилготой байв.
Арга хэмжээний хүрээнд 12 ахмад настан гэрлэсэн эсэх талаарх лавлагааг газар дээр нь хүлээн авч, нэмэлтээр эрх зүйн болон бүртгэлийн үйлчилгээнд холбогдох зөвлөгөө, мэдээллийг авчээ.
Цаашид тус хэлтэс төрийн үйлчилгээг иргэдэд ойртуулан, хүртээмжтэй болгох зорилгоор ижил төстэй арга хэмжээг тогтмол зохион байгуулахаар төлөвлөж байна.
