Сүхбаатар аймгийн Улсын бүртгэлийн хэлтсээс Олон улсын хүүхдийн эрхийг хамгаалах өдрийг тохиолдуулан хэлтсийн дэргэдэх эцэг, эхийн зөвлөлтэй хамтран “Бүх хайраа гэр бүлдээ” сэдэвт өдөрлөгийг 2025 оны 5 дугаар сарын 30-ны өдөр амжилттай зохион байгууллаа.
Өдөрлөгийн хүрээнд байгууллагын албан хаагчид үлгэрийн баатруудын дүрийг амилуулан хүүхдүүдтэйгээ хамт хөгжилтэй, дурсамж дүүрэн нэгэн өдрийг өнгөрүүлсэн бөгөөд хүүхдийн хүмүүжил, төлөвшилд гэр бүлийн оролцооны ач холбогдлыг ухааруулахад чиглэсэн олон талт арга хэмжээнүүд өрнөлөө.
Мөн байгууллагын дотоод журмын дагуу хэлтсийн даргын 2025 оны Б/09, Б/10 дугаар тушаалаар хоёр албан хаагчийн гэр бүлд шинээр мэндэлсэн хүүхдүүдэд тус бүр 100,000 төгрөгийн тэтгэмжийг гардуулан өглөө.
\
Түүнчлэн Хөдөлмөрийн тухай хуулийн 144.4-т заасны дагуу хөгжлийн бэрхшээлтэй иргэдийн хөдөлмөр эрхлэлтийг дэмжих зорилгоор “Би чадна Эм Эн Нэгдэл” ТББ-аас бага насны хүүхдүүдэд зориулан бүтээсэн хөгжлийн бэрхшээлийг зөвөөр ойлгуулах “Номиогийн адал явдлууд”, “Жинхэнэ баатрууд” номуудыг хэлтсийн нийт албан хаагчид худалдан авч, хүүхдүүддээ гардуулан өгч, оюуны хөрөнгө оруулалт хийлээ.
Улсын бүртгэлийн байгууллагын түүхт 85 жилийн ойн хүрээнд хэрэгжүүлэхээр төлөвлөсөн ажлуудын нэг болох “Улсын бүртгэлийн төгөл”-ийг байгуулах, “Явган аялал”-ыг албан хаагчдын гэр бүл, хүүхдүүдийн хамтаар зохион байгуулж, нийт 150 ширхэг хайлаас модыг байгууллагын гадна талбайд тарьсан юм.
Албан хаагчид 3-12 насны бяцхан гишүүдийн хамтаар модны арчилгаа, хэлбэржүүлэлт, хаврын цэнэг усалгаа хийснээр хүүхдүүддээ байгаль хамгаалах эерэг хандлага, ухамсрыг төлөвшүүлэх, тэдэнд мод тарих арга зүй, ач холбогдлын талаар мэдлэг олгосон үр дүнтэй, хамтын ажиллагаатай өдөр болж өнгөрлөө.
