Улсын бүртгэлийн байгууллага үүсэж хөгжсөний 85 жилийн ой-г тохиолдуулан Хөвсгөл аймгийн Улсын бүртгэлийн хэлтсийн албан хаагчид байгаль орчин, ногоон хөгжлийг дэмжсэн бүтээлч санаачилга гаргаж, “УЛСЫН БҮРТГЭЛИЙН ТӨГӨЛ” байгуулан тохижууллаа.
.jpg)
Тус төгөлд ойг бэлгэдсэн тоон хэмжээтэй буюу нийт 85 ширхэг мод тарьсан бөгөөд үүнд:
- 50 ширхэг хайлаас,
- 25 ширхэг голт бор,
- 10 ширхэг монос мод тус тус багтаж байна.
Энэхүү санаачилга нь зөвхөн ой тэмдэглэхээс гадна байгаль орчноо хамгаалах, ирээдүй хойч үедээ эерэг үлгэр дуурайл үзүүлэх зорилготой бөгөөд нутгийн иргэд, залуу үед байгальд ээлтэй хандлага төлөвшүүлэх чухал алхам болж байна.
Хөвсгөл аймгийн Улсын бүртгэлийн хэлтсийн хамт олон цаашид ч нийгмийн хариуцлагын хүрээнд эко орчныг дэмжих, байгальд ээлтэй олон ажлуудыг санаачлан хэрэгжүүлэхээ илэрхийллээ.
