Улсын бүртгэлийн байгууллага үүсэж хөгжсөний 85 жилийн ойг угтан Өмнөговь аймгийн Улсын бүртгэлийн хэлтсийн албан хаагчид “Улсын бүртгэлийн төгөл” нэртэй байгаль орчныг хамгаалах, ногоон байгууламжийг нэмэгдүүлэх санаачилгыг хэрэгжүүлж эхэллээ.
Энэхүү ажил нь байгууллагынхаа хашаанд өөрсдийн нөөц бололцоонд тулгуурлан хийгдэж байгаа бөгөөд эхний ээлжид 40 мод шинээр суулгаж, нийт 200 модтой төгөл байгуулахаар төлөвлөж байна. Ногоон орчныг бий болгож, иргэдэд ээлтэй, байгальд тустай орчин бүрдүүлэх зорилготой уг санаачилга нь төрийн албан хаагчдын нийгмийн хариуцлагын жишиг болсон үйл ажиллагаа болж байна.
.jpg)
“Улсын бүртгэлийн төгөл” нь зөвхөн байгууллагын ойг тэмдэглэх нэгэн хэсэг төдийгүй цаашид олон нийтийн ногоон хөгжилд хувь нэмэр оруулах, иргэдийн хүрээлэн буй орчноо хайрлах сэтгэлгээг төлөвшүүлэх чухал алхам болох юм.
.jpg)
