Улсын Ерөнхий Прокурорын газраас Зөрчил шалган шийдвэрлэх, хяналт тавих байгууллагуудын ажлын уялдаа холбоог сайжруулах, харилцан мэдээлэл солилцох, Зөрчлийн хууль тогтоомжийн хэрэгжилтийг хангуулах зорилгоор “Зөрчлийн бүртгэл мэдээллийн нэгдсэн сан”-г улсын хэмжээнд хэрэглээнд нэвтрүүлэх зорилгоор өнөөдөр УБЕГ-ын зөрчил шалган шийдвэрлэх эрх бүхий албан тушаалтнуудад сургалт зохион байгууллаа.
Сургалтыг нээн УБЕГ-ын даргын албан үүргийг түр орлон гүйцэтгэгч, Хяналт шалгалтын газрын дарга У.Болдхүү үг хэлэн, Улсын Ерөнхий Прокурорын газрын Зөрчлийн хэрэг бүртгэх ажиллагаанд хяналт тавих хэлтсийн хяналтын прокурор, сургагч багш Н.Эрдэнэбилэг, М.Энхтунгалаг, “Ай Ти Зон” ХХК-ийн программист А.Буяндэлгэр нар сургалт хийлээ.
Сургалтад Хяналт шалгалтын улсын (ахлах) байцаагч, Нийслэлийн 9 дүүргийн хяналтын улсын байцаагч нар хамрагдлаа.
