Улсын бүртгэлийн байгууллагын түүхт 85 жилийн ойн хүрээнд хэлтсийн албан хаагчид байгаль орчныг хамгаалах, ногоон хөгжлийг дэмжих зорилгоор Монгол Улсын Ерөнхийлөгчийн санаачилсан “Тэрбум мод” үндэсний хөтөлбөрт идэвхтэй нэгдэн оролцлоо.
2025 оны 5 дугаар сарын 23-ны өдөр хэлтсийн хамт олон өөрийн байгууллагын хуваарьт газарт ажиллаж, амьдрах чадваргүй болсон 25 модыг нөхөн тарьж, шинээр 25 модыг суулгасан байна.
Мөн тус өдөр хэлтсийн албан байрны гадаах цэцгийн мандлын хөрсийг тариалалтад бэлтгэн, хөрсний бүтэц, шим тэжээлийг сайжруулах ажлыг хийж гүйцэтгэсэн нь байгууллагын эргэн тойронд байгальд ээлтэй, ногоон орчныг бүрдүүлэхэд чухал хувь нэмэр орууллаа.
Цаашид Баянхонгор аймгийн улсын бүртгэлийн хэлтсийн хамт олон “Тэрбум мод” үндэсний хөдөлгөөний хүрээнд тогтвортой, үе шаттай оролцсоор байх бөгөөд байгальд ээлтэй, хариуцлагатай байгууллагын жишгийг олон нийтэд түгээн таниулах зорилготой ажиллаж байна.
