Олон улсын хүүхдийн эрхийг хамгаалах өдрийг тохиолдуулан Улсын бүртгэлийн ерөнхий газар нь албан хаагчдынхаа хүүхдүүдийн чөлөөт цагийг зөв, үр дүнтэй өнгөрүүлэх, хүүхдийн эрх, хамгааллыг дэмжих зорилгоор танин мэдэхүйн сургалт зохион байгууллаа.
Энэхүү сургалтад 12 дугаар ангид суралцаж буй албан хаагчдын хүүхдүүд анги хамт олноороо идэвхтэй оролцсон бөгөөд нийт 4 сургуулийн 112 сурагч хамрагдлаа. Үүнд:
· 48-р сургуулийн 12в ангийн 45 сурагч
· “Цэлмэг дижитал сургууль”-ийн 12а ангийн 27 сурагч
· 54-р сургуулийн 12в ангийн 25 сурагч
· ШУТИС-ийн лицей сургуулийн 15 сурагч
Сургалтыг И Монгол академи УТҮГ болон Ерөнхий газрын эцэг эхийн зөвлөлийн гишүүд хамтран зохион байгуулсан бөгөөд хөтөлбөрийн хүрээнд сурагчдад “Хиймэл оюун, ирээдүйн чиг хандлага” сэдвээр танин мэдэхүйн хичээл зааж, ирээдүйн мэргэжлийн чиг баримжаа авахад дэмжлэг үзүүллээ.
Мөн хүүхдийн бие бялдрын хөгжлийг дэмжих зорилгоор спорт зааланд гар бөмбөг, сагсан бөмбөг тоглох орчныг бүрдүүлж, үдийн цайгаар дайлжээ.
Тус сургалт нь хүүхдүүдийн танин мэдэхүй, хамт олонч чанарыг хөгжүүлэхээс гадна тэдний чөлөөт цагийг зөв боловсон өнгөрүүлэх, ирээдүйн мэргэжлийн чиг баримжаанд нь зөв мэдээлэл өгөхөд чиглэсэн ач холбогдолтой арга хэмжээ боллоо
