Улсын бүртгэлийн байгууллагын түүхт 85 жилийн ойг угтан Архангай аймгийн Улсын бүртгэлийн хэлтсийн албан хаагчид Эрдэнэбулган сумын Булган уулын өвөрт шинэс болон агч мод тарьж, “Ногоон төгөл” байгуулах ажлыг амжилттай эхлүүллээ.
Тус арга хэмжээг Улсын бүртгэлийн хэлтсийн эцэг эхийн зөвлөлөөс санаачлан зохион байгуулсан бөгөөд байгаль орчныг хамгаалах, нөхөн сэргээх, ирээдүй хойч үедээ ногоон орчин бүрдүүлэн үлдээхэд чиглэсэн чухал ажил болж байна.
“Ногоон төгөл” байгуулах энэхүү санаачилга нь зөвхөн байгууллагын ойн баярыг тэмдэглэхээс гадна нийгмийн хариуцлагаа ухамсарласан, байгальд ээлтэй, иргэдийг уриалсан үйл хэрэг болсноороо онцлог юм.
Архангай аймгийн Улсын бүртгэлийн хэлтсийн хамт олон цаашид ч байгаль орчныг хайрлан хамгаалах, олон нийтэд чиглэсэн үйл ажиллагааг тогтмол зохион байгуулан ажиллаж байна.
